काठमाण्डौ । एनएमबि बैंकको २८ औं साधारण सभा सम्पन्न भएको छ । विहीबार राष्ट्रिय सभागृह, प्रदर्शनीमार्ग, काठमाण्डौमा २८औँ वार्षिक साधारण सभा सम्पन्न भएको हो । एनएमबि बैंकको सञ्चालक समितिका अध्यक्ष पवनकुमार गोल्याण सभापतित्वमा उक्त साधारण सभा सम्पन्न भएको छ ।

उक्त साधारण सभामापूर्व घोषित कार्यक्रम बमोजिम संचालकमा संस्थापक शेयरधनीहरुको तर्फबाट मनोज कुमार गोयल र जीवनकुमार कट्वाल निर्वाचित भएका छन । यसैगरी, सर्वसाधारण शेयरधनीहरुको समुहबाट उत्तम भ्लोन, शिरिष कुमार मुरारका र हरिश्चन्द्र सुवेदी निर्वाचित भएका छन् । एमफएओको तर्फबाट निको पिलको सट्टामा शर्मिला हार्दि प्रकाशलाई मनोनित भएका छन ।

बैंकको २०८० आषाढसम्ममा खुदनाफा ३ अर्ब २२ करोड रुपैयाँ, निक्षेप २१३.०४ अर्ब रुपैयाँ र कर्जा १९७.४७ अर्ब रुपैयाँ रहेको छ । बैंकले हाल देशभरी २०१ शखा, १७१ एटिएम र १२ एक्सटेन्सन काउन्टरहरू मार्फत बैंकिङ सेवा प्रदान गर्दै आइरहेको छ ।