काठमाण्डाै । मातृभूमि लघुवित्त वित्तीय संस्था लिमिटेडको प्रमुख कार्यकारी अधिकृत (सीईओ) मा लक्ष्मीप्रसाद शर्मा नियुक्त भएका छन् । २०८१ भदौ ५ गतेदेखि लागू हुनेगरी शर्मा ४ वर्षका लागि लघुवित्तको सीईओ नियुक्त भएका हुन् ।
२०८१ भदौ २ गते बसेको लघुवित्त सञ्चालक समितिको १४७ औं बैठकले शर्मालाई सीईओमा नियुक्त गर्ने निर्णय गरेको हो । नवनियुक्त सीईओ शर्मा वगनासकाली–७, पाल्पाका हुन् ।
नयाँ प्रमुख कार्यकारी अधिकृत नियुक्त गरेसँगै मातृभूमि लघुवित्त वित्तीय संस्थाले नियामक नेपाल राष्ट्र बैंक, नेपाल स्टक एक्सचेन्च, कम्पनी रजिष्ट्रारको कार्यालय, धितोपत्र बोर्ड र सिडिएस एण्ड क्लियरिङ्ग लिमिटेडलाई बोधार्थ जानकारी गराएको छ ।
अर्थ चाैतारी ।
