काठमाण्डौ । साताको पहिलो दिन आज आइतबार शेयर बजारमा करेक्सन आएको छ। आज शेयर बजार परिसूचक नेप्से ७९.८८ अंकले घटेर २८९४.५७ को बिन्दुमा पुगेर रोकिएको छ ।

आज कारोबारमा आएका  ३३३ कम्पनीका ४ करोड २६ लाख ८६ हजार ६ सय ४० कित्ता शेयर खरिद बिक्रीबाट कुल १९ अर्ब ७४ करोड ५ लाख ९३ हजार ८ सय रुपैयाँ ६४ पैसाको कारोबार भएको छ। जस मध्ये अपि पावरको सर्वाधिक ८४ करोड ६८ लाखको कारोबार भएको छ भने हिमालयन रिइन्स्योरेन्सको ७३ करोड ४३ लाख तथा शाइन रेसुङ्गा डेभलपमेन्ट बैंकको ५१ करोड ९६ लाखको कारोबार भएको छ।

आज कारोबारमा आएका मध्ये विन नेपाल लघुवित्त, उपकार लघुवित्त, र आत्मनिर्भर लघुवित्तको शेयर मूल्य सर्वाधिक १० प्रतिशत बढेको छ। आज थ्री स्टार हाइड्रोको शेयर मूल्य ९.९४ प्रतिशत तथा धौलागिरी लघुवित्तको शेयर मूल्य ८.१४ प्रतिशत बढेको छ ।

आज मन्दाकिनी हाइड्रोपावरको शेयर मूल्य सर्वाधिक ९.९१ प्रतिशत घटेको छ भने कुमारी बैंकको ऋणपत्रको शेयर मूल्य ९.०९ प्रतिशत घटेको छ । त्यस्तै कुथेली बुखारी हाइड्रोको शेयर मूल्य ७.९४ प्रतिशत घटेको छ ।

आज कारोबारमा आएका मध्ये माइक्रोफाइनान्स बाहेकका सबै समूहगत सूचक बढेको छ । आज माइक्रोफाइनान्स समूह १.०८ प्रतिशत बढेको छ । आज इन्भेष्टमेन्ट समूह सर्वाधिक ३.८३ प्रतिशत घटेको छ।