काठमाण्डौ । हालै आईपीओ निष्कासन गरी डिम्याट खातामा पठाइएको हिम स्टार ऊर्जा कम्पनीको सेयर खातामै रोक्का गरिएको छ ।
सोमबार नै सो सेयर डिम्याट खातामा पठाइएकोमा प्राविधिक त्रुटि देखिएकाले रोक्का गरिएको सीडीएस एण्ड क्लियरिङ कम्पनीले स्पष्ट पारेको छ ।
‘सेयर रजिस्ट्रार तथा हस्तान्तरण प्रतिनिधि एनआईसी एसिया क्यापिटलबाट प्राविधिक त्रुटि हुन गएको देखिएकाले उक्त त्रुटि सच्याउने समयावधिसम्म सम्पूर्ण धितोपत्र रोक्का राखिएको छ’ सीडीएससीले विज्ञप्तिमार्फत भनेको छ । यद्यपि हिम स्टारको सेयर दोस्रो बजारमा सूचीकृत भइसकेको छैन ।
यसअघि असार ३२ गते कम्पनीको आईपीओ सर्वसाधारणलाई बाँडफाँट गरिएको थियो । ७७ हजार ३९७ जनाले सेयर पाएका थिए ।
अर्थ चौतारी ।
