काठमाण्डौ । नेपाल आयल निगमले उपभोक्तालाई अनावश्यक रुपमा एलपीजी ग्यास स्टक नगर्न आग्रह गरेको छ। अभावको हल्लाका कारण उपभोक्ताले अनावश्यक स्टक गर्न थालेपछि बजारमा केही समस्या देखिएको निगमको बुझाइ छ ।

निगमका प्रवन्ध निर्देशक चण्डिका भट्टले भारतबाट मागभन्दा धेरै ग्यास आयात भइरहेको बताए । आगामी चुनावको अवधिभर पनि ग्यासको आपूर्ति निरन्तर हुने व्यवस्था कायम रहेको उनले जानकारी दिए ।

भट्टका अनुसार पछिल्लो तीन दिनमा आयल निगममार्फत आयात गरिएको एलपीजी ग्यासको लोडिङ शनिबार ११८ वुलेट (१४९,५०० सिलिण्डर), सोमवार ११५ वुलेट (१४५,७०० सिलिण्डर) र मंगलवार १३२ वुलेट (१६७,३०० सिलिण्डर) रहेको छ। यीमध्ये केही वुलेटहरू अझै बाटोमा रहेको र चाँडै नेपाल प्रवेश गर्ने उनले बताए ।