काठमाण्डौ । निर्जीवन बीमा कम्पनीहरुले चालु आर्थिक वर्ष २०८२।८३ को दोस्रो त्रैमास (साउन–पुस)सम्म सवा ६४ अर्ब रुपैयाँ बढी विभिन्न क्षेत्रमा लगानी गरेका छन्।
नेपाल बीमा प्राधिकरणले सार्वजनिक गरेको चालु आर्थिक वर्षको पुससम्मको तथ्यांकअनुसार हाल सञ्चालनमा रहेका १४ वटा निर्जीवन बीमकले विभिन्न क्षेत्रमा कुल ६४ अर्ब २८ करोड २३ लाख रुपैयाँ लगानी गरेका छन्। जसमा बैंक तथा वित्तीय संस्थाहरुको मुद्दति निक्षेपमा मात्रै निर्जीवन बीमकहरुले ४६ अर्ब ५१ करोड ३ लाख रुपैयाँ लगानी गरेका छन्। यो हिसाबले निर्जीवन बीमकको कुल लगानी ७२.३५ प्रतिशत हिस्सा बैंक तथा वित्तीय संस्थाहरुको मुद्दति निक्षेपमा रहेको देखिन्छ।
Esewa
Crest
पुस मसान्तसम्म र्निजीवन बीमकहरुले क वर्गका बैंकहरुमा ४१ अर्ब ३१ करोड ४ लाख रुपैयाँ, ख वर्गका बैंकमा ४ अर्ब १९ करोड ६३ लाख रुपैयाँ र ग वर्गका वित्तीय संस्थामा १ अर्ब ३५लाख रुपैयाँ मुद्दति निक्षेपका रुपमा लगानी गरेका छन्।
यसैगरी बीमकहरुले सरकारी बचतपत्र तथा ऋणपत्रमा ६३ करोड ३५ लाख रुपैयाँ, सूचीकृत पब्लिक कम्पनीको शेयरमा ५ अर्ब ३६ करोड ८ लाख रुपैयाँ, बैंक तथा वित्तीय संस्थाहरुको अग्राधिकार शेयर, बन्ड, डिबेन्चर र ऋणपत्रमा ३ अर्ब १५ करोड २ लाख रुपैयाँ, सूचीकृत पब्लिक कम्पनीको बन्ड डिबेन्चर र ऋणपत्रमा १ अर्ब ९१ करोड ४८ लाख रुपैयाँ, नागरिक लगानी कोष र म्युचुअल फन्डमा १ अर्ब ५१ करोड ९१ लाख रुपैयाँ, इन्भेस्टमेन्ट कम्पनीको शेयरमा १७ करोड २१ लाख रुपैयाँ, अन्य संस्थापक शेयरमा २ अर्ब ७४ करोड १३ लाख रुपैयाँ र सूचीकृत नभएका पब्लिक कम्पनीको शेयरमा २ करोड ७४ लाख रुपैयाँ लगानी गरेका छन्।
त्यस्तै निर्जीवन बीमकहरुले कृषि उत्पादन तथा वितरण, शीत भण्डार गृह, पर्यटन उद्योग, जलविद्युत, सौर्य ऊर्जालगायत वीकरणीय ऊर्जा परियोजना केबलकार, सडक, विद्युत प्रसारण लाइन, शिक्षा र स्वास्थ्य क्षेत्रमा १ अर्ब १० करोड ७२ लाख रुपैयाँ र अन्य क्षेत्रमा १ अर्ब १४ करोड ५२ लाख रुपैयाँ लगानी गरेका छन्।
कुन कम्पनीको कति लगानी ?
अर्थ चाैतारी ।
