काठमाण्डौ । देशलाई अहिले आत्माविश्वासभन्दा पनि पैसा चाहिएको प्रधानमन्त्री बालेन्द्र शाह (बालेन) ले बताएका छन् । उनले आज प्रतिनिधि सभाको बैठकमा संसदहरुको प्रश्नको जवाफ दिँदै देशमा अहिले पैसा चाहिएको छ त्यसकारण पैसा कसरी बढाउने भन्ने तर्फ ध्यान दिइरहेको बताएका छन् ।

प्रधानमन्त्री शाहले भने, ‘नेपालबाट निर्यात हुने बस्तुहरुमा लाग्ने करहरु अहिले छुट पाइन्छ । हामी निर्यातमुखी हुनुपर्छ । देशमा उत्पादन भएको चिजहरु विभिन्न राष्ट्रहरुमा हामीले सजिलै पठाउन पाउनुपर्छ, निर्यात बढाउन सक्यो भने मात्रै देशको अर्थतन्त्रले बलियो आधार निर्माण गर्छ । अहिले आत्माविश्वास बढाउनेभन्दा पनि देशमा पैसा बढाउनेतिर ध्यान दिएका छौं ।’

त्यस्तै, उनले नेपालले पनि भारतको भूमि अतिक्रमण गरेको पाइएको बताए । यसबारेमा आफूले पनि प्रधानमन्त्री बनेपछि मात्रै जानकारी पाएको र यसबारे नेपाल र भारतबीच वार्तामार्फत समस्या समाधान गरिने बताए ।