काठमाण्डौ । ट्रेजरी बिलमार्फत सरकारले आज मंगलबार २५ अर्ब २५ करोड रुपैयाँ बराबर आन्तरिक ऋण उठाउन लागेको छ । सार्वजनिक ऋण व्यवस्थापन कार्यालयले सूचना जारी गर्दै ट्रेजरी बिलमार्फत २५ अर्ब २५ करोड रुपैयाँ उठाउन लागेको जनाएको हो ।

कार्यालयले उल्लिखित रकम बराबरको परिपक्व अवधि पूरा भएको पुरानो २० अर्ब २५ करोड बराबरको ट्रेजरी बिलको नवीकरण गर्न लागेको र बाँकी ५ अर्ब नयाँ जारी गर्न लागेको हो । ट्रेजरी बिलका लागि सोमबार (वैशाख ८ गते) दिउँसो तीन बजेसम्म बोलकबोल भइसकेको छ । जसअनुसार आज ट्रेजरी बिल जारी (वितरण) गरिन लागेको हो ।

यसअघि सरकारले पटक पटक ट्रेजरी बिल, विकास ऋणपत्र, नागरिक बचतपत्र, वैदेशिक ऋणपत्रलगायत औजारमार्फत आन्तरिक ऋण संकलन गरिरहेको छ । सोही क्रममा यस पटक ट्रेजरी बिलमार्फत उल्लिखित रकम बराबर आन्तरिक ऋण उठाउन लागेएको हो ।