काठमाण्डौ । सांग्रिला डेभलपमेन्ट बैंकले चालु आर्थिक वर्ष २०८२।०८३ को तेस्रो त्रैमाससम्मको वित्तीय विवरण सार्वजनिक गरेको छ । सार्वजनिक विवरण अनुसार बैंकको नाफासहित अधिकांश सूचकमा सुधार देखिएको छ ।
चालु आर्थिक वर्षको चैत मसान्तसम्मको अवधिमा बैंकले ४८ करोड ४५ लाख ३१ हजार रुपैयाँ नाफा आर्जन गरेको छ । उक्त नाफा गत आर्थिक वर्षको सोहि अवधिको तुलनामा ११.५९ प्रतिशतले बढी हो । गत आर्थिक वर्षको सोहि अवधिमा बैंकको नाफा ४३ करोड ४२ लाख १८ हजार रुपैयाँ रहेको थियो ।
यसअवधिमा बैंकको खुद ब्याज आम्दानी १३.१८ प्रतिशतले बढेर १ अर्ब ६१ करोड ७५ लाख रुपैयाँ पुगेको छ । गत आर्थिक वर्षको सोहि अवधिमा बैंकको उक्त आम्दानी १ अर्ब ४२ करोड ९१ लाख रुपैयाा रहेको थियो । गत आर्थिक वर्षको तेस्रो त्रैमाससम्मको अवधिमा ६२ करोड १८ लाख रुपैयाँ रहेको बैंकको सञ्चालन नाफा चालु आर्थिक वर्षको सोहि अवधिमा बढेर ७१ करोड २१ लाख रुपैयाँ पुगेको हो ।
समिक्षा अवधिमा बैंकको वितरणयोग्य नाफा १९ करोड ७० लाख रुपैयाँ रहेको छ भने चुक्तापूँजी ३ अर्ब ७३ करोड ४० लाख रुपैयाँ रहेको हो । बैंकको जगेडा कोष सञ्चिति १ अर्ब ७० करोडबाट बढेर १ अर्ब ९९ करोड रुपैयाँ पुगेको छ ।
बैंकको खराब कर्जा भने बढेको छ । गत आर्थिक वर्षको तेस्रो त्रैमाससम्मको अवधिमा बैंकको खराब कर्जा ४.९७ प्रतिशत रहेकोमा चालु आर्थिक वर्षको सोहि अवधिमा बढेर ७.८७ प्रतिशत पुगेको छ । चैत मसान्तसम्मको अवधिमा बैंकको प्रतिशेयर आम्दानी १६.२८ रुपैयाँबाट बढेर १७.३० रुपैयाँ पुगेको छ भने प्रतिशेयर नेटवर्थ १५८.७९ रुपैयाँ रहेको छ ।
अर्थ चाैतारी ।
