पोखरा । उच्च अदालत पोखराले पृथ्वीचोकको बसपार्क क्षेत्रमा रहेका घरहरू नभत्काउन अल्पकालीन आदेश दिएको छ। बसपार्क क्षेत्रकी स्थानीय युगनेदेवी श्रेष्ठ पालिखेले जिल्ला प्रशासन कार्यालय कास्की समेतलाई विपक्षी बनाएर रिट दायर गरेकी थिइन् ।

श्रेष्ठले बसपार्कको कित्ता नम्बर ४६ मा रहेको घर र अन्य भौतिक संरचना नभत्काउन रिट दिएकी हुन् । बिहीबार न्यायाधीश तेज नारायण सिंह राईको एकल इजलासले मुद्दाको अन्तिम किनारा नलाग्दासम्म उक्त संरचना यथास्थितिमा राख्न आदेश दिएको हो ।

अदालतले १५ दिनभित्र लिखित जवाफ पेस गर्न विपक्षीहरूलाई आदेश दिएको छ । महानगरले २५ गते डोजर चलाउने आन्तरिक तयारी गरेको थियो।

उनको उत्प्रेषण परमादेश रिटमाथि बिहीबार सुनुवाइ गर्दै अदालतले अन्तरिम आदेशका लागि दुवै पक्षबिच छलफल आवश्यक देखिएकाले जेठ २६ गतेका लागि पेसी तोकेको छ।