काठमाण्डौ । महुली लघुवित्त वित्तीय संस्थाकाे ११औं वार्षिक साधारण सभा चैत २६ गते बस्ने भएको छ । फागुन ३ गते बसेको कम्पनीको सञ्चालक समिति बैठकले साधारण सभा महुली लघुवित्तको केन्द्रीय कार्यालय महुली सप्तरीमा गर्ने निर्णय गरेको छ । सभा बिहान ११ बजे सुरु हुनेछ ।
सभामा कम्पनीले लाभांशसम्बन्धी कुनै प्रस्ताव पेस गरेको छैन । यसअघिनै कम्पनीले गत आर्थिक वर्ष २०७९/८० को नाफाबाट लाभांश वितरण नगर्ने जनाइसकेको छ ।
सभामा आर्थिक वर्ष २०७९/०८० को वार्षिक प्रतिवेदनमाथि छलफल गरी पारित गर्ने, लेखापरीक्षकको प्रतिवेदन, आर्थिक वर्ष २०७९/०८० असार मसान्तसम्मको वासलात, २०७९ साउन १ गतेदेखि २०८० असार मसान्तसम्मको नाफा नोक्सान हिसाब र सोहि अवधिको नगद प्रवाह विवरण प्रस्तुत हुनेछन् ।
सभाले कम्पनी ऐन, २०६३ को दफा १११ अनुसार आर्थिक वर्ष २०८०/०८१ को लागी लेखापरीक्षण समितिको सिफारिसबमोजिम लेखापरीक्षण गर्न लेखापरीक्षक नियुक्ति गर्ने र निजको पारिश्रमिक निर्धारण गर्ने प्रस्ताव पनि पारित गर्नेछ ।
अर्थ चाैतारी ।
