काठमाण्डौ । नेपालको साक्षरता दर ७७.४ प्रतिशत पुगेको छ । नेपाल जीवनस्तर सर्वेक्षण २०२२।२३ ले नेपालको साक्षरता दर ७७ प्रतिशत नाघेको देखाएको हो ।
पुरुषको साक्षरता दर ८५.८ प्रतिशत रहेको छ भने महिलाको साक्षरता दर ७०.१ प्रतिशत रहेको छ । यो तथ्यांक अनुसार महिलाको तुलानामा पुरुष साक्षरता दर बढी रहेको छ ।
१५ वर्ष र सोभन्दा माथिको साक्षरता दर भने ७२.५ प्रतिशत रहेको छ । जसमा महिलाको साक्षरता दर ६४.१ प्रतिशत र पुरुषको साक्षरता दर ८२.९ प्रतिशत रहेको तथ्यांकले देखाएको छ ।
प्रदेशगत रुपमा ५ वर्ष र सोभन्दा माथिको साक्षरता दरलाई हेर्दा सबैभन्दा धेरै साक्षरता गण्डकी प्रदेशमा रहेको छ भने सबैभन्दा कम मधेश प्रदेशमा रहेको छ । गण्डकीमा ८३.४ प्रतिशत साक्षरता रहेको छ । मधेशको साक्षरता दर ६८.३ प्रतिशत रहेको छ ।
अर्थ चाैतारी ।
