काठमाण्डौ । विगत तीन वर्षमा बैंकबाट पैसा निकाल्दा र जम्मा गर्दा चेक प्रयोग गर्ने क्रम घट्दै गएको पाइएको छ । नेपाल राष्ट्र बैंकका अनुसार २०७९ सालको साउन र भदौ महिनामा चेकमार्फत १४ लाख पटक बैंकिङ कारोवार भएको थियो ।

यो क्रम पोहोरको साउन र भदौमा १३ लाख पटकमा झरेकोमा आर्थिक बर्ष २०८०-०८१ मा अझ घटेर १२ लाख पटक मात्र भएको छ ।

डिजिटल कारोबारमा नागरिकको पहुँच बढ्दै गएका कारण पनि चेक प्रयोगकर्ताको संख्या घट्दै गएको नेपाल राष्ट्र बैंकका सहायक सूचना अधिकारी डा।भागवत आचायले सीआइएनसँग बताए ।

राष्ट्र बैंकका अनुसार गत आर्थिक बर्षमा मोबाइल बैंकिङ्, वालेट र क्यूआर कोडमार्फत ९ करोड ८५ लाख २५ हजार पटक कारोबार भएको छ । कुल जनसङ्ख्याको करिब ४० प्रतिशत नागरिक डिजिटल कारोबारमा जोडिएको राष्ट्र बैँकको भनाइ छ ।