काठमाण्डाै । शिक्षा, विज्ञान तथा प्रविधि मन्त्रालयले शिक्षक सेवा आयोगको वैकल्पिक तथा अस्थायी शिक्षक सूचीबाट अस्थायी शिक्षक पदपूर्ति गर्ने कानुनी व्यवस्था गर्ने भएको छ ।

त्यसैगरी मन्त्रालयले दुर्गम स्थानका विद्यालयमा शिक्षकले निश्चित अवधि अनिवार्य सेवा गर्नेपर्ने कानुनी व्यवस्था गर्ने बताएको छ । मन्त्रालयले शिक्षक व्यवस्थापन र विकासका लागि उक्त योजनाहरू अघि सारेको हो ।

मन्त्रालयले शिक्षक सरुवा तथा पदस्थापन योग्यता, क्षमता र औचित्यको आधारमा गर्न मापदण्ड तर्जुमा गरी कार्यान्वयनमा ल्याउने बताउँदै विद्यालयमा रहेको भूगोल, उपलब्ध सेवा, सुविधा र अवसरको आधारमा विद्यालयलाई सुगम र दुर्गम स्थानमा विद्यालयको रूपमा वर्गीकरण गर्ने बताएको छ ।