काठमाण्डौ। अघिल्लो वर्ष घाटामा गएको हिमालयन लघुवित्त वित्तीय संस्था लिमिटेड यो वर्ष नाफामा फर्किएको छ। संस्थाले आर्थिक वर्ष २०८१/८२ मा ९ करोड १७ लाख रुपैयाँ खुद नाफा कमाएको छ, जबकि अघिल्लो वर्ष २० लाख रुपैयाँभन्दा बढी घाटामा थियो।

वित्तीय विवरण अनुसार संस्थाको वितरणयोग्य मुनाफा ६ करोड ३१ लाख रुपैयाँ पुगेको छ भने लगभग १९.७६% लाभांश दिन सक्ने क्षमता बनाएको छ।

समीक्षा अवधिमा संस्थाको ब्याज आम्दानी ५८.५०% ले बढेर ३५ करोड ३० लाख रुपैयाँ पुगेको छ। सञ्चालन मुनाफा पनि १३ करोड रुपैयाँ नाघेको छ।

अघिल्लो वर्ष ऋणात्मक रहेको रिटेन्ड अर्निङ्स यो वर्ष ६ करोड ३१ लाखमा पुगेको छ। त्यस्तै, रिजर्भ कोष पनि बढेर ११ करोड ९२ लाख पुगेको छ।

कम्पनीले ३ अर्ब ८२ करोड रुपैयाँ सापटी लिएर ४ अर्ब ९२ करोड रुपैयाँ कर्जा प्रवाह गरेको छ। तर, खराब कर्जा (एनपीएल) बढेर ५.३३% मा पुगेको छ, जुन अघिल्लो वर्ष ३.४९% मात्र थियो।

यो वर्ष कम्पनीको वार्षिकीकृत प्रतिशेयर आम्दानी (EPS) २८.७० रुपैयाँ पुगेको छ भने पीई रेसियो ३५.३८ र प्रतिशेयर नेटवर्थ १४८.१६ रुपैयाँ रहेको छ।